O filial visita ao líder

- O Noia Portus Apostoli B enfrontárase este xoves ao Villa Petroni Stellae -O Noia Portus Apostoli B enfrontárase este xoves ao Villa Petroni Stellae FS. 
- Partido adiantado da xornada sete da Preferente Autonómica – Grupo Norte. 

Jorge Agraso xogador co que falamos

Hai cinco días os xogadores de Nikima lograban, catro partidos despois, os tres puntos, e nun escenario inmellorable como o Agustín Mourís. Sen tempo para pensar nese triunfo tan necesario, o Noia Portus Apostoli B afronta unha difícil empresa. As casualidades provocan que, a estas alturas de curso, na sétima data, por terceira vez se vexa as caras co equipo líder da Liga ao comenzar cada xornada. Primeiro foi o Lugo Sala, logo o Unión GR9 e agora o Villa Petroni Stellae FS. 
Despois de seis xornadas desputadas e con boa parte das cartas amosadas, os conxuntos xa comezan a dirimir cal pode ser a súa posición no campionato. Visto o visto, os rivais desta semana do noso filial parecen destinados a ser un habitual da zona noble da táboa. Cinco vitorias, un empate e ningunha derrota, xunto a unhas cifras de 45 goles a favor e 13 en contra, son a carta de presentación do inicio fulgurante do Villa Petroni Stellae. 

Jorge Agraso, con quen falamos esta semana, e os seus compañeiros chegan a Padrón despois de lograr un triunfo “que facía falta”, logo desas xornadas sen logralo nas que “en ningún momento nos viñemos abaixo, xa que sabiamos que si xogabamos ao noso, máis tarde ou máis cedo chegarían as vitorias”. E chegou ante o Castroverde, “un partido ao que chegabamos co mal sabor de boca de Guitiriz e no que tiñamos a necesidade de gañar, e para lograr iso sabiamos que había que apretar desde o minuto un, e iso fixemos”. O futbolista noiés admite que “está sendo un inicio duro e atípico para min, xa que por motivos persoais non puiden facer a pretemporada co equipo, pero estou dando todo o posible para poñerme ao 100% o antes posible e aportar o máximo”. 

Dos números do rival desta xornada Jorge prefire non pronunciarse, “non me gusta moito falar dos rivais”, pero admite a importancia dos seus resultados, “está claro que é un equipo experto e con moita calidade”. Un conxunto no que xogan ex compañeiros de Jorge e de moitos dos integrantes do plantel noiés, “é moi emocionante poder xogar contra antigos compañeiros, Pepe é un gran amigo que me axudou moito no seu momento, e sobre todo faime ilusión xogar contra Diego Pernas, que foi o meu adestrador en xuvenís e unha persoa á que admiro polas súas ganas na pista”.
O encontro xogarase nun horario pouco habitual. O xoves 1 de novembro ás 19:30 foron o día e hora escollidos, algo que a Jorge “provocoume sorpresa, xogar nun día festivo, e cun día menos do normal para preparar o partido”, pero non suporá ningunha excusa, en palabras de Jorge, “somos un plantel mozo e con moitas ganas de sorprender, e é o que intentaremos, nesta ocasión, o xoves”. A receita para facer iso repítese co dito polo resto do vestiario, “temos que ser un equipo compacto en defensa e falarnos na pista, mentres que en ataque hai que propoñer xogo sen caer na precipitación”. 

Cos adestramentos da semana completados, antes do habitual, só falta por coñecer a lista de convocados de Nikima, que o técnico dará esta tarde aos seus, previsiblemente coa volta a filas dos xogadores que causaron baixa nas últimas datas. 

---