Este domingo 29 de decembro uns 500 nenos e nenas de entre 4 e 16 anos gozarán dunha xornada de fútbol sala.

​

Como cada ano, nestas datas sinaladas volve o Torneo de Nadal Vila de Noia, organizado polo Noia Portus Apostoli FS en colaboración coa AD Escolar As Rías.

​

Dende as nove da mañá ata as oito da tarde o fútbol sala será o protagonista dunha xornada de diversión para os 500 nenos e nenas que participarán entre as seis categorías inferiores, con escenarios no Municipal Agustín Mourís, Pavillón Alonso Rodríguez e Pavillón de A Barquiña.