Seis partidos na xornada da base

Quinta semana de competición para as categorías inferiores do Noia Portus Apostoli.

Instantánea do último encontro do infantil

Nova fin de semana de compromisos para a base do club noiés, con partidos encadrados para este venres 15 e o domingo 17 de novembro.

Dous encontros da Liga Xogade FS Noia protagonizan o primeiro día, cos equipos prebenxamín e alevín enfrontándose ao CD María Assumpta no Pavillón do Colexio María Assumpta. Tamén o venres será turno do cadete, que ás 19:00 horas visitará ao Oroso FS CD "B" na xornada catro da Liga Local Galicia.

Os outros tres encontros quedarán para o domingo. Na mañá dominical actuarán o xuvenil e o infantil no Municipal Agustín Mourís, ante o Vista Alegre CF e o Racing San Lorenzo, respectivamente. Como visitante xogará o benxamín no Municipal de Restollal, para verse as caras ás 12:00 horas co Villestro SD.

Consulta aquí os horarios dos encontros: